اغلب البنات بتفكر في فارس احلامها انه هيقابلها صدفه او في موقف بطولي مثلا انها بتغرق وهو انقذها ولا كانت ماشيه وهو خبطها .....

في مره في رمضان الام طلبت من بنتها تاخد طبق وتوديه للجيران بسرعه قبل اذان المغرب وكان في الشتا البنت من الاستعجال لبست جاكت ابوها ولبست شراب الشتا كل واحد لون ونزلت بسرعه ..وهي بتمشي بسرعه ...خبطها واحد بالعربيه ونزل بسرعه من العربيه يشوفها وكان ...وسيم وطويل وستايل والبنت نسيت الالم وتنحت فيه وتبتسم وحطت في بالها هو ده فتى احلامي الي هيحبني واحبو ..سألها عن نمرة اي حد تعرفو واديتو نمرة اخوها وجه اخدها للمستشفى ....
فات اسبوع واتنين والبنت مستنيه فتى احلامها يجي يطلبها او حتى يتصل يسأل ..وفعلا رن موبيل اخوها ورد وفضل يقول لا كويسه الحمدالله وهو بيضحك ...وبعد ما خلص البنت هتموت وتعرف قال ايه ....اخوها قلها كان بيقولي...


ياترى خدامتكم كويسه ولا عامله ايه